GESCHICHTE

 Gründigsgschicht vo de Heggtische kurz verzapft...

S erschti Turnier isch im 1995 z Prattele uff dr Häxmatt gsi. Gspielt hän sälbetsmol d Nicole, d Jeanette (au eini vo unsere langjöhrige Spielerinne), d Alex,
d Sandra, logischerwiis dr Duube, dr Reto und dr Tschangg.

Bsammlig isch sälbetsmol am 8ti uff dr Häxmatt gsi. Gspielt worde isch damals mit hellgrienwisse Langarm-Shirts wo dr Duube organisiert hett. S hett sich erfolgsversprächend aagfange mit eme 6 letschte Platz. Mit Hilf vom Duube als Goalie und em Reto und em Tschangg. als Passgäber ischs eint oder anderi Goal gmacht worde. Drno hett me bschlosse, dass das kai eimooligi Sach gsi isch sondern, dass me im 96 vermehrt an Grümpeli sii Glück versuecht (bi 3 Grümpelis), es sin jedes Joohr e paar drzue ko, anderi wieder wägfalle.

Im 2003 hämmer mis expantiert und sin als die heggtische Iischaote zum erschte Mool ane Hockeygrümpeli gange, mir hän am 08.11.03 uff dr Kunschti Marghrete am Grümpeli vom Sportamt, wo leider nümmi usstreit wird, teilgno und hän für das dr Grossteil (usser e paar Hockeypläuschler) no nie richtig Hockey mit (Soft)-Puck und Stock uff Iis gspielt hän is nid numme tapfer gschlage, sondern sogar 3 Mannschafte (sogar dr Titelverteidiger soviel ich no weiss) hinter uns gloh. Mir sin also 9 vo 12 worde bime Goolverhältnis vo 10:38, aber uns hetts riesig Spass gmacht ka.

Im 2005 hämmer jetzt unsers 10jööhrige Jubiläum gfiirt und freuen is uff wiiteri heggtischi Joohr.

EIMOL HEGGTISCH - IMMER HEGGTISCH

PS. Au do nomol e riese Merci an d Nicole, drfür, dass sie trotz mänger Krise nid dr Bättel anegworfe hett, s wurd nämmlig öbis fähle...

No d Zaemmefassig vo de gspielte Gruempelis...
1995: Pratteln
1996: Pratteln
1997: Frenkendorf, Pratteln
1998: Winterthur, Frenkendorf, Rheinfelden, Unterägeri, Augst, Alpthal, Pratteln
1999: Kollbrunn,
2000:
2001: Winterthur, Kollbrunn, Gligge-Grümpeli, Rohr, Fislisbach, Frenkendorf, Rüthi, Unterägeri, Augst, Pratteln
2002: Kollbrunn.
2003: Waldkirch, Pratteln.
2004: Winterthur, Rohr, Unterägeri, Mels, Rüthi, Ravens(Landhof), Frenkendorf, Pratteln.
2005: Winterthur, Augst
, Frenkendorf, Unterägeri, Ravens, Pratteln, Strengelbach, Halleturnier (Turnier 30 Joohr St. Jakobfanclub)